بخصوص الطعام الي يباع في مقاصف المدارس [ موضوع قوي ]

[عبدالله البورشيد]

.

السلام عليكم ورحمة الله وبركاته

طبعا الكل متضايق بخصوص الطعام الي ينباع في المقاصف

اول شي المقصف يكون مزدحم كثيرا

وثاني شي عن الاكل الي ينباع

شوفوا ذيج المرة رحت باشتري لي همبرجر ب200 فلس

لين اكلها ما احس بلذه فيها

انتوا شوفوا شكل الهمبرجر من برع

http://www.bahrain2night.com/forum/usersfiles/1059-ma-school-3.jpg


اشكره الروتي من برع يبين انه مب طازج ويبين عليه مال يومين او ثلاثة





http://www.bahrain2night.com/forum/usersfiles/1059-ma-school-2.jpg

شوفوا الخيارة شلون شكلها وعلى فكرة بس هي الي تنحط مع الفلفل في

الهمبرجر ويسمونها خضرة بعد..


http://www.bahrain2night.com/forum/usersfiles/1059-ma-school.jpg


شوفوا شلون الهمبرجر لاصقه مع الروتي بذمتكم هاذي اكل احد ياكله

[ استغفر الله ] بس يعني الحين المدرسه تلومنه لين شقحنا وشرينه من برع

يعني الحين عدلوا اكلكم محد بيشقح او شي

يحطون لك مقصف يبيع لنا اكل بايت الصراحة هالشي محد يسكت عنه

اتمنى اشوف ارائكم..

تقبلوا تحياتي

[hajar]

السلام عليكم

معاك حق اخوي

بس افا عاد

ليش تشقحون؟


اذا هالاكل المأساة ما ينأكل

ودوا لكم من البيت

ما فيها شي
ولا تشردون
ولا شي


تحجوا من الحين لباجر
ولا في فايده بعد مع اكلهم
الحمدالله والشكر عليهم



الل هيساعدكم


اختك
هاجر

[حمود أحمد]

اخوووووووووي انا مع هاجر

ود لك اكل من البيت الي يعجبك و الي في خاطرك تاكله

و بقوولك شي اخووي انتو هني اشوه

اذا اتعرف احد من مدرسة احمد العمران في المنامة اسألهم سوو مسيرة على الاكل


الاكل مال يووم الاربعاء الي ما انأكل خلووه لي يوم السبت و باعووه

اسأل احد من المدرسة و شوووف

و الحيين الاكل احسن منكم :p

و سلااااااامت عمرك من التسمم:D

[اللهب الناري]

و انت الصاج يا ولد الرفاع احنا مدرستنا مدينة عيسى الثانوية للبنين الروتي مالنا اذا خذفته على واحد راسه انبط و لازم يودونا السلمانية طوارئ.......
و ادارة المدرسة تدري بهلشيء و ما تقول شيء و تقول محد يشتري من برع
و اول من يروح الاساتذة شتقوووووووووول...
خلها على الله......
اذا ما عجبك اشقح احنا جنبنا مطعم الشعلة و مال صفنا يتصلون له و يجيبه لنا


شكر ا على الموضوع القووووووووووووووووي~35~ ~54~

[حمد عبدالله]

هههههههههههههههههه .. هاذي خيارة ولا~12~*:evl: ..
الله يعينكم صراحه .. احنه وافتكينه:lol: :lol:

[الـمسـافـر]

هاهاهاها
ذكرتني بالكولا و الشبس :D <--- احسن شي يبيعه المقصف

و انا رايي مثل الاخوان
انك تاخذ اكلك من البيت !

الصراحه عباله تاخذ اكلك من البيت :'(

و يفداك الكذب

انا اشتري الاكل من المقصف
صج انه بدون طعم

و الصبيان يتطنزون على الطعميه
يقولون افلتها و بترد لك :lol:

ولكن لو في حل ثاني سويناه

و طلاب الصناعي مدرسه الشيخ عبود لازم مره او مرتين ريوقهم من جسميز
و انا واحد منهم :cool:

و انت شوفلك كفاتيريا جريبه من المدرسه و اتفق معاه بان كل يوم يجهز لك اكل
و انت تاخذه من عنده اول مايطق جرس الفسحه
طبعا السالفه فيها تشقيح :)

تحياتي

[SEETHER]

الصراحة خوش موضوع

وتسلم ياولد الرفاع على هالموضوع


انا الصراحة عمري ماكليت من المدرسة

كل يوم إذا احصل جانز آشقح وآكل من برع وآرجع عقب الفصحة

تقريبا كل يوم وإذا ماقدرت ماكل شي بس أشتري لي ماي لأنه هاي الشي الوحيد إللي مو بايت ولا يصيير بايت

كل مانكلم المشرف وله أي واحد يصيدنا زف

وذاك اليوم صادوني على السور

يودني مشرف على السور وأركض ركييييييض بس المشكلة شاف ويهي ويودني عقب ووداني حق مشرفنا بس مشرفنا طيب معاي زفني جم زفة وقال لي روح لاتعيدها


انا وياي جم واحد بعد


بس الحمد لله من عقبها محد صادنا ;) ;)


وتسلم اخوي على هالموضوع الحلو صراحة

[روان]

هههههههههههههههههههههههههههههههههههههههه

موضوووع فــلــتــه

تسلم أخوووي ولد الرافاااع على أبدااعك،،،

ابي اسأل الحين هذي خيارة؟

والله حسبتها خس ،،

وابي اقوول إذا انتوا يالشباب تقدروا تدبروون عمركم تشقحون وما ادري شنو أما احنا يالبنات المساكين اشلون ندبر عمرنا:evl: ؟؟

خلوووها على الله:rolleyes:

بس الحمدلله آنه ما آكل من الكافتيريا إلا في الحالاات الضرورية يعني طولوا الفسحة او في اجتماع جذي يعني :lol:

بس صج حرام إنهم يخلوون الأكل البايت ويبيعوونه على الطلاااب وهذا واحنا بالمدرسة اللي يعلمونه فيها :'( مأســاة

ما اقول إلا ما في شره على اللي برا إذا سووا جذي،،،

ولااازم وزاارة الصحة تدوور على المداارس لسلااامة الطلاااب>> :lol: :lol:

وتسلم يالغاالي على الموضووع الروووعة ،،،

[الفاروق]

شكلك من مدرستنا


مدرسة الرفاع الشرقي :p

[حسين ميرزا]

اكل المقصف وماادرك مااكل القصف

سال ويست سايد عن اكل مدرستنا
الطعمية اذا فيك خير اكله اول شي واذا اكل بعده شي اعطيك ال تباه

[حمود سلمان]

معاك حق يا ولد الرفاع

اتصدق احنا مدرستنا الروتية كنها بستوق ؟؟؟؟؟


هاهاهاهاهاهاهاهاه

[DaRk DeViL]

انتون تقدرون تشقحون تروحون اي كفتيريا قريب لكن مال النعيم شسوون

ناكل صافي من السوق المركزي :'(

ما ليكم الا تطبقون المثل القائل << مجبر اخاك لا بطل >>

[ملكني هوالكي]

ثانكس على الموضوع واااااايد مهم .... بس حبيت ارد على الهب الناري واقوله ولد خالتي معاكم في المدرسه .... بس باقولك انت قالت انك تتصل في المطعم اول الايام اوكي مشو العب بس بعدين رفضوو انه يطلبون من مطعم برع ... وعلى ماضن سمعت اخوي لهب انه المشرف الاداري رفض انه ولا طالب يطلب من برع المدرسه ... ويقولون ليش الطلبه يتسربون وياكلون من برع..؟؟ بس اقولكم عيل ماشفتو الفلافل مالت المدرسه تحذفهاا على الطوفه تردلك مره ثانيه والله شنو يابسه ولا الروتي مسكت عاد ولا الهمبرغر والله ساعات تلاقيهاا نيه ماتقدر تاكلهاا مادري على شنو تدفع بيزات وساعات ولد خالتي يتصبر لين ايي البيت علشان ياكل ... بس اليديد الي سوه انهم سوو جاي و كوفي وعصير فرش الحمدلله لك يارب على الاقل يشربون شي عدل .... ثانكس ولد الرفااااااااااااااع على موضوعك الحلو وااااايد حلو موضوعك



اخوكم اجر الصوت:lol: :D :)

[فسكر بن تاوا]

السلام عليكم ............
والله هاي اهم موضوع ..............ولازم يجوفون حل لها ...............بس ما أعتقد انهم هامنهم هل الموضوع.........اما انا اخذ ماي و جبس بس.......وساعات كاكو

[عبدالله البورشيد]

والله شباب احنا نبي اوضاعنا الي في المدرسه تتعدل

يعني مب معقولة نيلس ناكل اكل بايت

ترى احنا نقدر ناكل احسن اكل

بس الاداره فارضة علينا الا من المدرسه ناكل

انزين اذا تبونه ناكل من المدرسه بيعوا لنا اكل محترم

واحنا بنشتريه لو كان بدينار

عدل او لا

[ملكني هوالكي]

عدل كلامك ولد الرفااع ... ومثل ماقالت انهع الاداره فارضه جذي... سوال: يعني الادراه عاجبهاا الاكل؟؟؟ وانا اكيد ومتاكد انه الادارين مايكلون من المدرسه ...وانا بعيني جفت اساتذه مايكلون من المدرسه يطلعون ياكلون من (الشعله) المدرسه الي فيها ولد خالتي ياكلون ويردون المدرسه .... انزين يعني الحين انتو ياا الاداره ماتحسون... لا والي قاهرني اكثر انه يرفضون انه اي طالب يطلع انزين على الاقل يحقله يطلب من برع يعني من الشعله .... الصراحه اذا يبون الحل يغيروون الي يبيعون في المقصف وايبون مطعم عدل؟؟ بس ماتطرق لك ياا ولد الرفاع انت تقول انت مستعد انك تدفع بدينار بس يمكن في ناس فقاره ماتقدر تشتري بدينار ... يعني لازم ايبون مطعم عدل اكله عدل <همبرغته عدله >< روتي عدل فلافله عدله قيمه عدله> يمكن الواحد ياكل واهوه شبعاااااان...



تحياتي اخوكم اجر الصوت:lol: :D :)

[AL SHAIKHA]

حالنا مثل حالكم ويمكن حالكم احسن
بمدرستنا ماكو الا ساندويج والهامبرجر يكون عدده قليل يعني لازم تكون اول الواصلين لي المقصف علشان تشتري وياليت لذيذ :|

والشبس ماكوو الا ذيج الي اسمه لارج خخخ .. وكل البنات الي بمدرستنا يشتروووه .. هذي شركه لارج اذا تبي تسوي اعلانات بس اتيي تصور المدرسه وخلاص :lol: :lol:

[الغـــــلا كله]

ولد الرفاع

تسلم اخوي على هالموضوع القويييييييي والهام جداً
والله انه مثل روان..اول ما جفت الخيارة عبالي خس
استغفر اللللللللللللله العظيم
والله اودي لي زحير من البيت احسن مما اكل من هالاكل ويصيدني تسمم
شحادنييييييييييييييي
وانتوا عن المشاقح والتخطرف
تبونها من الله انتوا بعد

ولد الرفاع
تشكر مرة ثانية على هالموضوع الرائع
وفي انتظار المزيد من مشاركاتك الرائعة والهااااااااامة

تحياتي لك على هالجهد المبذول
اختك..
غلووووووووووي..

[ملكني هوالكي]

حبيت ارد عليج اختي الغلا كله ... اهوه صج يعني عن التشقح بس شيسوي الواحد اذا كان ياكل همبرغه نيه او روتي جنه بستوق ... قوليلنا وشهو الحل ؟؟




اخوكم اجر الصوت:lol: :D :)

[الغـــــلا كله]

خخخخخخخخخخخخخخخخخخ

لا يعني اقول مدام انكم تدرون ان اكل المقصف هلون
اخذوا لكم اكل من البيت مرة وحده لازم يعني تشاقحون واتخطرفون

على العموم تحملوا بروحكم
ولا تاكلون من الهمبرغه ترى بيصيدكم تسمم
خخخخخخخخخخخخخخخ

تحياتي لك
اختك..
غلوووووووووووي..

[ملكني هوالكي]

بووووووووو ليكون بنات احناا كل واحد يشيل الاكل ماله :D ككككككككككككك وخصوصاا احنااا صبيان يعني يالله يالله انشيل كتبناا بعد انشيل اكلناا وثانياا اذا بتقولين بنشيل الاكل اوكوش انا معاج بس الواحد مايبي يعني في صبياان يقولون احناا كبرناا عن انه انشيل الاكل في يدناا عرفت




تحياتي اخوكم اجر الصوت:lol: :D :)

[outlaw]

صراحه

موضوع وايد مهم

شهالاكل ذي

والله انه اجوف الاوادم ياكلونه تلوع جبدي...... و ولا عمري فكرت اخذ سندويتش او اي شي من المقصف غير الجبس ...وطول حياتي في المدرسه ما شريت ولا سندويتشه ابد!!


تسلم اخوي عالموضوع

[Out of Control]

اي والله ..................الاكل الي ينبااع في المدااارس ....ماسااااااااااااة
استغفر الله ....بس صج كلامي عدل ...ما في شي .....و كل يووم نفس الاكل ....

انه الصرااااحة ما اكل من اكل المقااصف و في الفسحة اشرب بس عصييير

احسن شي اسوي :cool: :cool: لا عور بطن ولا عور راااااااااااس :confused:

[بحريني متملل]

صح كلامك والله ولد الرفاع والله العضيم اليوم كليت من المدرسه اكو بطني قام ايعورني لازم يسون شي عشان مانشقح وانه ابي اقول شي حق الاخوان اذا يبنه من البيت من الساعه 6 الصبح لين الساعه 20_10 الفرصه عندنه في الشيخ عبدالله ماسوينه شي يعني بيصير بارد وماينئكل والاكل ماتقدر تشتري والله الناس يوعانه تبي تاكل شي يوقف اليوع خمس دقايق الا الاكل كمل واحسن شي في المدرسه روتي جبن انضف شي يعني لازم يسوون شي حق ذي السالفه وياريت واحد من الوزاره يقره ذي الكلام واحنه نتكلم في الفاضي الانه من بيسمع كلام طالب المدرسين لهم اكل خاص احسن منه مافيه يسويه جدامه .

ولكم جزيل الشكر


بحريني متملل _

[الشيخ فؤاد]

ياخي شلة جذي
في اوادم مومحصلين اللقمة و يحوسون في الخمام
و انتوا هاللأكل مب عاجبكم
والله حالة

[VERON]

اي ولله يا ولد الرفاع مأساة وي هذا الاكل

[RockY]

اول شي
اوووووووووووووووووووووووع بطني
هههههه
ثاني شي انت كلكم صادجين في الكلام الي تقولونه وانا ابي اعرف هذي الاكل من وين ايبونه لنا احنا الطلبة ابي اعرفه عشان اتفل في ويهه
وثالث شي غصبن عن المدرسين والمشرفين والمدير نطلع على كيفنا شلهم كار فينا اهمه يبون المعاش ولا ايدرونا اهما خلونا نطلع
الصراحة لازم انسوي اضراب










عن شنو قاعد اتحجه انا؟؟؟؟؟؟؟؟؟؟
والله نسيت :lol: :lol: