View Full Version : ماذا سيحدث اذا تم دمج المدارس لتصبح للبنات والبنين؟؟ [ موضوع للنقاش ]
عبدالله البورشيد
31-10-2003, 05:35 PM
السلام عليكم ورحمة الله وبركاته
شخباركم ؟
عساكم بخير
والله حبيت اسألكم وحبيت نتناقش في هالامر
يعني شنو بيصيير لين دمجوا المدارس
يعني هل راح يكون هالشيء ايجابي؟ ولا سلبي
واريد منكم ان تذكروا النقاط الي راح تصير في المدرسة...
انا اقول:
1- الصبيان لازم بيصيرون كشخه حق المدرسة
2- الصبيان راح تكون عندهم نفس يروحون المدرسة
3- الصبيان راح يحطون على روحهم في دروسهم عشان ما يكونون كسالة
جدام البنات.
وعن البنات الصراحة ما ادري
فيالله شباب خل نشوف ارائكم
وتقبلوا تحياتي
:p :p :p :p :p
أم أحمد
31-10-2003, 08:51 PM
مشكوور اخوي ولد الرفاع على الموضوع..
بصراحه انا ما اايد هالشي.. لان بصراحه تعودنا نكون بروحنه في المدرسه.. يعني ناخذ راحتنه اكثر ..
ممممم وغير المشاكل الي راح تصير بسبب الدمج..
شنو الي راح يصير... :rolleyes: تعالوا نجوف..
اكيد بتقل نسبة الغياب الى 99 في الميه:D
كل واحد يداوم منظف أسنانه http://www.bahrain2night.com/forum/usersfiles/345-zahn.gif ومخلص عطر كامل كل يوم .. وثوب مكوي .. الخ الخ الخ...
الطالب بيسال زميلته عن الواجب .. وبقدرة قادر توصل المكالمة لساعة كاملة ~38~
يكثرون الشعراء في الفصل http://www.bahrain2night.com/forum/usersfiles/345-writer.gif
والحين دور البنات..:lol:
أنواع التسريحات ~18~ تقول عرس مو مدرسه ولا جامعه
انواع المكياج تقول لوحات رسم ~35~
والخ الخ الخ .. وماخفي اعظم..
.....احلى البنات..... ~49~
CEREBRUM
31-10-2003, 09:21 PM
ستصبح مهزله ومسخرة خل الله يستر علينا
تحياتي CEREBRUM:D
عبدالله البورشيد
31-10-2003, 09:23 PM
اختي الغالية احلى البنات....
يعطيج العافية على الرد الجميل
الله يخليج لنا
وتقبلي تحياتي
الشاطر
31-10-2003, 09:32 PM
اول شي السلام
الموضوع حليو بس المشكله انه في بنات وصبيان في مدارس خاصه يعني مو غريبه بس المشكله لين صار في نفس مدارسنه الحين بتقب الديره وبتصير عفسه فوق تحت.
بس شي شي
أتمنى اتعود ايام المدرسه لين جذي:p
بنت المحرق
31-10-2003, 10:19 PM
انا ما أيدك بعد اخوي ولد الرفاع
انت بروحك جوف ...
بدون الدمج و السوالف شكثرها .... مسخرة وبلاوي ما تقدر تصدقها
عيل اذا دمجوهم شبيصير !!
وبالنسبة لنه احنه البنات مانقدر ناخذ راحتنه بعدين
احنه جذي ومو ماخذين راحتنه .... الهنود في كل مكان .... حتى يم الصف
يعني حدنه نفصخ شيلاتنه في الصف ... ولا اذا بنطلع لازم ناخذهم ويانه... واذا نسيناها فالصف راحت علينه :o لكن انتو الصبيان ماعندكم مشكلة ;) ;)
المشكلة عندنه احنه البنات :rolleyes:
ShamS L Ba7raiN
31-10-2003, 11:24 PM
السلام عليكم ورحمة الله وبركاته
اخوي..
إذا الحين الاوادم
مب راضيين يدخلون عيالهم مدارس خاصة لأن خلط
عيل بعدين شبيسوون؟ بيقعدون بناتهم في البيت :p
بعدين كفاية المهزلة اللي في المدارس الخاصة بعد تعالوا دمجوا المدارس
ShamS L Ba7raiN
بحرينية_حلوة
02-11-2003, 04:58 PM
هاااااااااااااااااااااااااااااااي ...
والله الموضوع وايد عجبني .. و انا بالعكس أأيد الدمج بين المدارس .. لأن في النهايه الاثنين راح يدشون الجامعه و بيحسون بالفرق و ماراح يعرفون يتأقلمون مع الوضع .. عيل وحده ويانا في السكشن الدكتورة شوي و تحب يدها عشان تجاوب و اهيه ما تبي تتحجى .. شنو ذي بعد ؟؟ خل تقعد في بيتهم احسن ... و البنات جرجاتهم تضيع في البرزنتيشنات لأنهم مو متعودين يتكلمون مع صبيان فينظلمون .. بس لو كانوا عادي من قبل جان ما صار اللي صار ..
انزين يمكن تقولون ما راح تدش الجامعه .. بس ما راح تشتغل؟؟ شلون بتشتغل في مكان عام و اهيه ما تقور تنطق كلمتين في ويه شاب .. حتى اذا بتتزوج بتحس ان حياتها فيها ي غلط ..
ممكن ان المدارس تكون خلط لي المرحلة الاعدادية بس و الثانوي لأنهم كبروا شوي . يفصلونهم .. بس على الاقل يخلون الاوادم عاديه مو معقده ..
هاذي رايي و سلامتكم
كيوبيد
03-11-2003, 12:49 AM
انة رايي من راي خواتي أحلى و بنت المحرق و شمس البحريــن !!!
اخوي ولد الرفااع .. ههههه .. يعني هالصبيان اللي كتبت عنهم ..
رايحيين المدراس اكيد مب حق دراسة شي ثاني مثلا :rolleyes:
ولا الصبي المفتكر في دراستة بيهتم فهالبنااات .. ;)
اختي بحرينية حلوة .. ما يحتااي يتعودوون على هالشي عشاان يتأقلموون مع الوضع .. لان ماااااا شاءالله و تبارك الرحمن على الطلبة اللي في الجامعة ( مب الكل ) اشوووووفهم حدهم متأقلمين على الوضع .. وهمة في الحكومة عيل باجر لين تعودوا على هالشي من صغرهم شنوو بيسوون :confused:
خلنة ساترين على خلقة الله .. وانة اقوول كل واحد في مدرستة يكوون افضل و ارحم حقنة .. لانة اللي نسمعة يصير في المدراس سواء البنات او والصبيان ( الحكومية طبعا) يغث القلب الصراااااااااحة ..
بعـــد يحطووون النار يم البنزين !!! لا بالله اكملــــــــــت .. هههههههه :D
تشكر اخوي ولد الرفاع على موضوعك الشيق !!
تحياتي
احمد جناحي
03-11-2003, 04:14 AM
الصراحة انا رايي من راي اختي احلى البنات ... و الكثير من الناس يقولون انها بتصير مسخرة و خراطة و حركات مو عدلة .... أنا أقول الي بيصير ما بيكون أخس من الي انشوفه في السيف أو انصاف الليالي في القهاوي و على البحر ... ثاني شي .... كل واحد تربى تربية عدلة و عرف الصح من الغلط وايد شباب دخلوا مدارس و جامعات فيها اختلاط بس للحين محترمين دينهم و نفسهم ...
طلال المطوع
03-11-2003, 03:23 PM
مسخرة بتصير :mad:
عبدالله البورشيد
03-11-2003, 05:11 PM
مشكورين يا الغاليين على ابداء ارائكم
ويعطيكم العافية
ولي عوده
theking
12-11-2003, 01:37 AM
البنات انا بقول لك:
1-full make up
2-اغراء طول الوقت
3_ضحك و سوالف بايخة
3-ثياب امشققة و ضيجة
و الباقي انتو تعرفون:evl:
بس في قليل من البنات انهم مستورات:|
القطوة
13-11-2003, 10:59 PM
كاتب الرسالة الأصلية ShamS L Ba7raiN
السلام عليكم ورحمة الله وبركاته
اخوي..
إذا الحين الاوادم
مب راضيين يدخلون عيالهم مدارس خاصة لأن خلط
عيل بعدين شبيسوون؟ بيقعدون بناتهم في البيت :p
بعدين كفاية المهزلة اللي في المدارس الخاصة بعد تعالوا دمجوا المدارس
ShamS L Ba7raiN
اخوي شمس البحرين اشقصدك اب المهزله اللي تصير في المدارس الخاصه؟؟ قصدك المهزله اللي بتصير لي صار الخلط في الممدارس الحكوميه .... في مدارس الحكوووميه لي تطلع في الهده او في اول دوام المدرسه تجوووف الصبياان تارسين الشارع تقول متخرعين ولا هب جايفين خير .. وكل واحد راكبلك سياره وحاط انجليزي ومعلي الصوت حده وهاذي ويهي اذا فاهم كلمه من اللي ينقااال .. عيل شلوون تبيهم ينخلطوون؟؟ كافي يشقحون السور ويطلطلوون اثناء الدواام الا وياهم بعد؟.............. أما احنا في المدارس الخاصه حياتنا جدا طبيعيه .,, ولا نكشخ ونلبس مثل ماتقولون بالعكس ... اي ماقولك لا في منا اللي جذي بس اللي يبون يلفتوون الانتبااه ... نفس الشي الصبيان في منهم المحترمين اللي يعاملونا مثل خوااتهم وفي منهم العكس وهاذيله تلقااهم كل مكان.... وهذي كلامي وجهة نظري ..................... وألف شكر اخوي ولد الرفاع على هالموضوووع
تحياتي......
القطوة
ShamS L Ba7raiN
13-11-2003, 11:06 PM
اختي القطوة..
انا جربت مدرسة خاصة وحكومية
وارتحت للحكومية وايد
والمشلكة في الخاصة مثل ماتفضلتي..
يقولون انهم اخوان وغيره..
يعني شايلين الكلفة تماما..
من متى البنت عندنا تقعد مع الصبي بدون حيا؟
هذي الشي شفته اختي جدامي..
اما عن الهدة.. فهذي موضوع يختلف عن اللي قاعدين نتكلم عنه
اشكرج اختي على الرد.. وكل واحد له وجهة نظر تختلف عن الآخر ;)
ShamS L Ba7raiN
OBAID
14-11-2003, 03:20 AM
السلام عليكم ورحمة الله وبركاته
بصراااحة .... موضوع ما يحتاج نناقشه ...
والله ولم يخلون البنين مع البنات ....فنصيحة مني لكم ....روحوا فتحوا مستشفيات للولادة ....
الموضوع يباله شوي جدية ...
وما شااء الله بعض الردود عجبتني .....
ومعلومة ::: نسبة 90% من الأطفال يولدون عن طريق الزنا في أمريكا ...وهذا كله من خلال الإختلاط ....
الله يبعده عنا
عبيد
the_cat
14-11-2003, 03:18 PM
كاتب الرسالة الأصلية احلى البنات
مشكوور اخوي ولد الرفاع على الموضوع..
بصراحه انا ما اايد هالشي.. لان بصراحه تعودنا نكون بروحنه في المدرسه.. يعني ناخذ راحتنه اكثر ..
ممممم وغير المشاكل الي راح تصير بسبب الدمج..
شنو الي راح يصير... :rolleyes: تعالوا نجوف..
اكيد بتقل نسبة الغياب الى 99 في الميه:D
كل واحد يداوم منظف أسنانه http://www.bahrain2night.com/forum/usersfiles/345-zahn.gif ومخلص عطر كامل كل يوم .. وثوب مكوي .. الخ الخ الخ...
الطالب بيسال زميلته عن الواجب .. وبقدرة قادر توصل المكالمة لساعة كاملة ~38~
يكثرون الشعراء في الفصل http://www.bahrain2night.com/forum/usersfiles/345-writer.gif
والحين دور البنات..:lol:
أنواع التسريحات ~18~ تقول عرس مو مدرسه ولا جامعه
انواع المكياج تقول لوحات رسم ~35~
والخ الخ الخ .. وماخفي اعظم..
.....the_cat..... ~49~
عبدالله البورشيد
14-11-2003, 05:21 PM
مشكورين حبايبي على ردودكم
ويلا يا الباقي نبي مشاركاتكم
http://www.bahrain2night.com/forum/usersfiles/10-4.gif
http://www.uae88.net/vb1/images/smilies/New8.gif
Mahmoud Moh'd
18-11-2003, 09:22 PM
الي بيصير .. شي بيخلي مدرسه مو مكان للدراسه .. اذا الحين في اصبيان فيهم شذوذ جنسي .. بعدين اذا ويا بنات في صف واحد شنو بيصير ؟؟
اذا الكل يشتكي من الجنس الثالث .. اذا وصل الجنس الجنس الرقيق شنو بيصير ؟؟
اذا جامعه البحرين صاير منتجع البحرين .. بعدين فالمدارس بيصير مثل الشي ..
اذا ناس تحط في مخها فكره ان ( والله احنا ويا البنات اوكي .. كأنه خواتنا ) ( والله احنا ويا الاصبيان اوكي ..كأنهم اخواننا)
هذي الفكره الي الكل بيحطا في مخه و بيقول احنا نعرف الدين و محترمين الدين ..
احترام الدين بدون تطبيقه .. معرفه الدين و لو انه ادعاء من الاغلبيه لكن الواقع يثبت العكس ..
لان الاختلاط حرام حرام حرام.. و الاسلام دين يتماشى مع كافه العصور و الازمان ...
... لو تبي تعرف شنو بيصير .. تخيل بوابه مدرسه البنات الي يدشون منها جدام بوابه مدرسه الاصبيان ...
اصلا نادر جدا جدا جد تجوف بنت طايفه من صوب مدرسه الاصبيان .. لان في ناس مو اوادم
و ان شاء الله الدمج ما يصير لان بيكون سبب اول في فساد المجتمع من جذوره .. و الله و نبيه اعلم بمصلحة العباد عندما منعوا الاختلاط
...
--------------------
و تعليق بسيط على قالت ان طلاب المدارس الحكوميه متخرعين و تم ادراج نقاط ليست بمقياس يقاس به و يعمم فيه ..
ولكن اعتقد عدم التعليق افضل حتى لا يتشعب الموضوع ..
والله هاذي الشي راجع على تربية الشخص
اذا كانت تربيتة صالحة مافي امل يسوي شي
اذا كنت تربيتة غلط كلشي يسوية من دون حيا
مشكور ولدالرفاع على الموضوع
م عساك على القوة
Thug-Life
19-12-2004, 08:24 AM
مشكوور اخوي عبدالله على المناقشه الحلوه و اللي لازم نبتعد عن هل السوالف تجنبا للمشاكل اللي بتصير
اشكركم جميعا :D
Maqhoor UU
23-12-2004, 07:29 AM
كاتب الرسالة الأصلية OBAID
السلام عليكم ورحمة الله وبركاته
بصراااحة .... موضوع ما يحتاج نناقشه ...
والله ولم يخلون البنين مع البنات ....فنصيحة مني لكم ....روحوا فتحوا مستشفيات للولادة ....
الموضوع يباله شوي جدية ...
وما شااء الله بعض الردود عجبتني .....
ومعلومة ::: نسبة 90% من الأطفال يولدون عن طريق الزنا في أمريكا ...وهذا كله من خلال الإختلاط ....
الله يبعده عنا
عبيد
ليش كل واحد ياخذ حذره وجان اجوف كل اصبي وياه ابنيه راحين عند زاويه:D:D
عظيمه الشوق
24-12-2004, 10:55 PM
اكيد بيصير مسخره ومشاكل وبعدين البنات مابياخذون راحتهم لان مارح يكونون متعودين وفوق ذي كله الاهالي بتعترض وكل واحد بيطلع بناته من المدارس لان عياله بيكونون في مرحله مراهقه اكيد بيعتفسون ويتغيرون
غير اذا كان جامعه لان كلا الطرفين راح يكونون ناضجين اي طلعو من مرحله الراهقه وسنهم سن رشد وعقليه ناضجه تميز الصح والقلط وهذي السن يصلح الدمج بين الطرفين
الله لايقوله لان بيصير عفسه:rolleyes: :rolleyes:
وسلامتكم :) :)