View Full Version : إقتراح إلى طلبة العلمي
بسم الله الرحمن الرحيم
السلام عليكم ورحمة الله وبركاته........
قبل لا أقول إقتراحي لكم...
أدري أنكم بتقولون ويش لينا بعوار الراس لكن صدقوني أخواني وخواتي هذا الإقتراح بالأول والآخر لمصلحتكم.
إقتراحي أهو:
إنكم ترفعون عريضة لوزارة التربية والتعليم تطالبون فيها بتحويل كتب الرياضيات (الريض) من اللغة العربية إلى اللغة الإنجليزية. وهذي العريضة يسويها طالب/ طالبة واحد من كل مدرسة ويوقع عليها جميع الطلبة وتوصل إلى وزارة التربية.
أدري أخواني أنكم بتقولون يالله نلحق عليه بالعربي نروح نسويه بالإنجليزي بس صدقوني كل هذا من أجل مصلحتكم لأنكم في الجامعة راح تتعبون عدل إذا كان بالعربي وكأنكم ما درستونه لكن بالإنجليزي راح يمهد لكم ويسهل عليكم.
أسأل مجرب ولا تسأل طبيب.
مع تحياتي
آهات
عبدالله البورشيد
20-10-2003, 08:46 PM
السلام عليمك ورحمة الله وبركاته
الف شكر لج اختي على هذا الإقتراح
اختي الغالية...
وصلتني احصائية تبين مستوى الضعف في الرياضيات في دول
مجلس التعاون الخليجي ففي البحرين تظهر الاحصائية بانها
اضعف الدول في مادة الرياضيات
وهذا شي سيء طبعاً
اذن لا يمكن تحويل منهج الكتاب الى اللغة الانجليزية لان الشباب
لا يستطيعون ان يطوروا مستواهم في الرياضيات وهو باللغة العربية!!
هذا هو رأيي
وتقبلي
http://www.bahrain2night.com/forum/usersfiles/10-4.gif
http://www.uae88.net/vb1/images/smilies/New8.gif
بنت المحرق
21-10-2003, 01:04 AM
بالعكس
انا سمعت ان طلاب العلمي اهمه اللي يمشون فالجامعة وخصوصا في التخصصات التجارية لانهم ماخذين الريض اللي ياخذونه فالجامعة
و اذا قلبو الريض بالانجليزي بيصير نفس الشي بس اللغة غير
مافي فرق :confused:
و مثل ماقال اخوي ولد الرفاع انهم يالله ملحقين عليه بالعربي بعد يقلبونه انجليزي !!!!
و تره الريض مب صعب بس متواصل مع بعضه .... يعني لازم نكون متذكرين مال السنوات السابقة عشان نواصل
وانشالله ماطولت عليكم
و مشكورة اختي على الاقتراح :D
أم أحمد
21-10-2003, 08:39 AM
اقتراح حلووو..
وهالشي راح يسهل الدراسه في الجامعه لان مواد الرياضيات في الجامعه كلها بالانجليزي...
وبعدين مافيها اي صعووبه لان الماده كلها ارقاااااااااام يعني مافيها اشيا اذا حولناها باالنجليزي بتكون صعبه على الطلبه بالعكس..
مشكوورة اختي آهات على الفكره.. يعطيج العافيه
.....احلى البنات..... ~49~
كاتب الرسالة الأصلية ولد الرفاع
وصلتني احصائية تبين مستوى الضعف في الرياضيات في دول
مجلس التعاون الخليجي ففي البحرين تظهر الاحصائية بانها
اضعف الدول في مادة الرياضيات
http://www.bahrain2night.com/forum/usersfiles/10-4.gif
http://www.uae88.net/vb1/images/smilies/New8.gif
بسم الله الرحمن الرحيم
السلام عليكم ورحمة الله وبركاته...
أخي ولد الرفاع أشكرك على إبداء الرأي وتفاعلك مع الموضوع ولكن لي وجهة نظر
أخوي إذا ممكن ترسل لي الإحصائية اللي وصلتك لأنه مستحيل تكون البحرين أضعف الدول في مادة الرياضيات والكل يعرف هذا.
بالنسبة لي درست كل مقررات الريض في العلمي بصراحة كانت سهلة ومثل ما قالت الأخت أحلى البنات أهو ما بيتغير كثير بس راح يمهد لنا للجامعة خصوصاً وإن العلمي يفتقر لمقررات الإنجليزي.
ومثل ما قلت فوق إسأل مجرب ولا تسئل طبيب.
على العموم أنا أحترم رايك وفيه وجهة نظر.
تقبل خالص تحياتي
آهات
Little Angel
22-10-2003, 01:38 AM
كاتب الرسالة الأصلية آهات
أخوي إذا ممكن ترسل لي الإحصائية اللي وصلتك لأنه مستحيل تكون البحرين أضعف الدول في مادة الرياضيات والكل يعرف هذا.
تقبل خالص تحياتي
آهات
السلام عليكم
انا اتفق مع الاخت أهات،، اخوي ولد الرفاع ما اعتقد ان البحرين اهي الدولة الاضعف في مادة الرياضيات، انا درست مع طلاب من جميع دول مجلس التعاون و صدقني مستوى الطلبه البحرينيين في جامعتنا هو الاعلى في جميع المواد بما فيها الرياضيات،، و على فكرة، حسب معلوماتي، اكثر من طالب بحريني وصل لمراكز متقدمة في مسابقة ألومبيات الرياضيات الي تصير على مستوى الوطن العربي على ما اعتقد...
و شي ثاني، ما اعتقد ان تغيير الرياضيات للغة الأنجليزية لطلاب العلمي بشكل لهم صعوبة،، لان المادة كلها ارقام و قوانيين و لا تعتمد على اللغة،، و بما انهم بيدرسونها في الجامعة بالانجليزي فليش ما يدرسونها من البدايه بالانجليزي؟؟ بالعكس، الطالب بيكون متعود على المصطلحات و هالشي بوفر عليه وقت وجهد.....
و الله يوفق الجميع :)
كيوبيد
26-10-2003, 04:25 AM
انة اتفق مع خوااااتي
وأأيدج اختي آهااااات على النقطة اللي قلتيها ،،
صراحة طلبة التجاري عندهم مادة المحاسبة مااااااااااي،،
تدرووون ليش ؟؟ عشااانهم ماخذينة بالانجليزي والعربي في التجاري !!!
واحنة الفقارى طلبة العلمي تونة ماندري شنو Accounting يطخ لك هالدكتوور كلماااااات مثل دبت وكردت ،، ههههه,, انزين وين رحنة احنة مالنة رب !!
و التجاري المساكين هم بيعااانون او عانوا من الـ Maths مع انها مادة سهلة بس يقولوون لانة الكتااب بالانجليزي ،، صــــــــاجين لا !!!
فهموووووونة شالسالفة يا جماااعة ،، ابـــــــــد ،، بعدين لين خذيت كتبهم وقريتها ودرست منها ،، شفت تفاااااااهة المادة وسهولتها حق البعض وماقول الكـــــــل ،،
والسبـــة الكتب العربية بالمدرسة ,, احنة ما نقووول سيدة بدووا انجليزي
بس كتمهيدي اول شي عربي ،، ولين وصلوا التوجيهي يسوونة انجليزي
او كتااااب في المصطلحااات الصعبة على بورد معنااها بالعربي ،، عشاان ما نظلم الجماااعة اللي ما تستوعب الانجليزي لانة الساااااااالفة وايد صعبة لين من مدرسة تاخذ عربي و اتطب الجامعة على ويهك كلـــــــة انجليزي :(
بعدين بتقوولوون ياريت كانت المقررات كلة انجليزي ،، وهاي رياضيات مو تاريخ عشااان السالفة تكووون وايد صعبة ،، يعني ثلات اربااع الاسئلة ارقاام،،
مثل ما قااالت أختي آهااااات ,, اسأل مجرب ولا تسأل طبيب
وتقبلــــــــوا تحياتي