(( توحيد المسارات )) من يعارضه ؟ ومن يشجعه ؟ ولماذا ؟

[البدره]

السلام عليكم .
اخواني الطلاب واخواتي الطالبات
شنو رايكم بتوحيد المسارات ؟؟؟
هل تتفقون مع هذه الخطوة... الي سمعنا بانها سوف تنفذ بعد السنة القادمة او الي بعدها .؟
وهل تعارضونها ؟؟ ولماذا ؟؟

ابدأ انا بطرح رايي ..
انا اعارض توحيد المسارات بشدة شديدة قد يكون لهذه الخطوة
بعض الايجابيات مثلا تقليص الفارق في عدد الطلاب الداخلين في المسارات المتنوعة ..
فطلاب الادبي قليلين جدا بالنسبة للعلمي والتجاري ...
ولكن الضرر كبير جدا على الطلاب ...
يعني طالب ما يحب التاريخ ولا يحب الجغرافيا بيقعد يدرسهم كلهم وهو ما بيحتاجهم في دراسة الجامعيه ....

وانتظر ارائكم الكريمة

[أم أحمد]

اتخاذ هذا القرار ألا وهو توحيد المسارات خطوه لها ايجابياتها وسلبياتها...

من ناحيه السلبيات فإن لا يكون بذلك تشجيع لرغبه الطالب حيث مثلا طالب الادبي لا يحب مواد الرياضيات والفيزيا و الخ وعند توحيد المسارات سيدرس هذه المواد من غير رغبه في دراستها...
وايضا لن يكون هناك تميز بين طلبه المسارات ..
اضافه إلى ذلك فإن طالب المسار التجاري سيدرس مستقبلا في الجامعه قسم اداره اعمال فلماذا دراسته للمواد العلميه في الثانويه.... اعني بكلامي عند توحيد المسارات سيدرس الطالب كل المقررات ولكن بدون تركيز او تخصص...

من ناحيه الايجابيات .. تمكن الطالب دخول اي تخصص مستقبلا في الجامعه بدون تفريق...

ولكن انا لا اؤيد توحيد المسارات ويجب توعيه الطالب بضروره اختيار المسار المناسب حتى لا يندم مستقبلا..

كل الشكر لكِ عزيزتي البدره..

تحياتي
.....احلى البنات.....

[baby_angel]

توحيد المسارات راح يكون بس في أول سنة يعني بس في اول ثانوي و ثاني و ثالث لآ راح يتخصصون .. انا ماعجبتني الفكرة لأن مثل ماقلتي .. الي مايحب الجغرافيا غصبن عليه راح ياخذها .. بس اشوة ان الفكرة راح تتخذ بعين الاعتبار من السنة العقب الياية يعني آنه ما بتتنفذ عليّ :evl: :evl: الحمدلله .. الحمدلله .. الحمدلله .. بس فيها ايجابيات .. يعني المجموع التراكمي راح يبتدي من السنة الثانية .. يعني من ثاني ثانوي راح يصير عندكم تراكمي و اول سنة لعب و خراطة ;) .. اما احنا من اول ثانوي تراكمي :(

مشكوورة البدرة على طرح الموضووع

-=- AngeLo()o -=-

[Mahmoud Moh'd]

انا معارض ... اصلا محد قال عنها الا الي تخرجوا يعني بعد ما كملوا يطقونها في راسنا .. و بالنسبه لمواد العلمي للتجاري مثلا و الادبي فيه مواد مشتركه .. يعني مو لازم الواحد يتخصص و يتعمق في اشياء مالها دخل ........

اما اذا كان اول فصل عام فهذا شي عادي لان المقرارات المشتركه وايد و بيمعونهم اول فصل بس ..

المهم انا معارض و الفكره كلش كلش مو زينه .. الحين يعدلون مناهج التجاري و يطورونها علشان يصير توحيد بعدين :( صج بيصير ظلم ..

[البدره]

اشكرك حبايبي على ابداء رأيكم..بكل صراحه..وفعلاااا كلامكم صحيح..

ويمكن الطالب لا يستطيع أن يعطي إن توحدت المسارات ... حيث إنه يتميز مثلا في المحاسبه لذلك أختار التجاري عن غيره من طالب العلمي الذي يفضل الكيمياء مثلا .....وانه اعتقد اغلب الطلاب معارضين توحيد المسارات..وان سلبياته اكثر ما ايجابياته...

اختكم الصغيرونه..البدره..

[العاشقة الصغيرة]

http://www.101funpages.com/html/imgs/page_imgs/jsa/rose01.gif

انه اعااااااااااااااااارض و بشده بعد

يعني انه الي ابي اعرفه الي داش تجاري اكيد حاط في باله تخصص كله فيه اراقم و سوالف التجاري صح (فالجامعه قصدي) اشله يروووح يدرس شي كلش ماله سالفه فالتخصص الي حاطه في باله مثلا يدرسوونه اشلووون يطلع مخ الارنب او الضفدع شنو في في مخه و اشيه جذي و بعدين اختيار المساار احسن عشااان يتوافق مع الميووول اصلا ظلم اذا وحدوا المسارات

http://www.101funpages.com/html/imgs/page_imgs/jsa/rose01.gif

[البدره]

صح كلامج عشوووقه..اصلا جذيه راح ينزل معدل الطالب..اشكرج حبووبه..على ابداء رايج..ولاتحرمينا من هالمشاركات الحلوه..

[أم أحمد]

عندي مداخله بسيطه..
اذا مثل ماتقول الاخت انجلووو انهم بحسبون المعدل التراكمي من ثاني ثانوي بتكون خطوه ايجابيه في مصلحه الطالب..
لان الي لاحظته ان اول سنه في الثانوي اهيا الي تنزل المعدل لان الطالب ياي من مرحله مختلفه تماااااااما وتقريبا مايعرف شي عن المعدل التراكمي ونظام الساعات المعتمده حتى اذا شرحوا له بس بعد مابيفهم قد ما اهو يخوض هالتجربه...

يعطيييييكم العافيه

.....احلى البنات.....

[البدره]

اشكرج حبيبتي احلوو على المداخله..اوهو صح انه في ايجابيات..ومن ضمن هذي الايجابيات النقطه الي ذكرتيها..انتي مع انجلووو..بس مثل ماقلت السلبيات اكثر من الايجابيات..:rolleyes:

[عبدالله البورشيد]

انا اقول يوحدونه احسن

لانه جذي راح تكون التكاليف اقل حق الحكومه




ولي عوده


http://www.uae88.net/vb1/images/smilies/New8.gif

[البدره]

صح كلامك ياولد الرفاع..بس شنو فايده اذا قلت التكاليف..وقلت معاها معدلتنا...:rolleyes:

[bu_mohd]

السلام عليكم
انا مع توحيد المسارات
اصلا اكثر الي ياخذون علمي ما يكملون و يتخصصون علمي
و الي انشوفه انه يدشون كليات اخره ما تمد بدراستهم السابقه شي
و يقولون لك خذ علمي لانه ادخلك كل المجالات
و اتشوف مثلا طلاب التجاري امشين في موادهم الجامعيه التجاريه و طلبة العلمي يعانون في اول الامر لانه ما خذوا هالاشياء
التوحيد راح يسمح بان الكل اكون متكافئ
و محد يقدر اقرر شنو راح يصير قبل ثلاث سنين من تكملته الدراسه المدرسيه
فتشوفه كل شوي مغير
و الي اختار ادبي و بعدين حس روحه يبي احسن و لازم اكون علمي عشان يقبلونه في التخصص الي يبيه ايكون ضاعت عليه الفرصه
انا عندي اوحدونه بس اخلون المواد المتقدمه اختياريه عشان الي يبي اكثر في المجال الي راح يتخصصه ياخذ هالمواد

[اللهب الناري]

انا اعترض
لانه هذي حراااااااااااااام
لانه كل واحد و قدرته العقلية
يعني الشاطر بيصير مع الكسلان
و مادري شنهو
شنهو ذي الكلام
يعني شنهو بيصير في الجامعة بعد
على فكرة الموضوع ذي غير ناجح
و شكرا على طرحة
لاني كنت باطرحه
في سلسلتي
هههههههههههههههههههههههههههههههههه

[البدره]

اشكركم اخواني على تفاعلكم مع الموضوع..وابداء آرائكم الصريحه...

[شمايل]

اشجعه ...
يا ما ناس يتخصصون بالجااامعة في مجالات غير عن مساارااتهم..
و أحسن الكل يدرس مثل الشي.. عشاان لا يقولون هذي اخذت المساار الفلاني و هو سهل و هذا اخذ هالمساار و هو صعب ..
و أحسن لا يصير دربكة و عفسة..........

مجرد رأي



شموله

[البدره]

اشكرج اختي على ابداء رأيج..ولاتحرمينا من هالمشاركات الطيبه..;)

[معشوقة المحرق]

انة اعارض انة وايد كتب
وايد دراسة انة داشةتجاري انة اسهر شي مع تحياتي

[بحرين العز]

انا بادشه والله ييسر ان شاء الله