وين آروح .. ؟؟ ممكن ؟؟

[سارة 555]

صباح الخير

شلونكم شباب ؟؟

آنا الصراحة يديدة بالمنتدى.. ما ادري وين اكتب موضوعي ..

آنا بس بغيت آسأل ..عن مدرسة السنابل الخاصة .. شنوتعرفون عنها ؟؟ و هل تدريسهم بالعربي و الا بالانجليزي ؟؟

شرايكم فيها ؟؟

اذا ممكن تفيدوني يالربع .. مشكورين

[سارة 555]

ردو عاد ..

الموضوع ضروري ..

[ريم الدار]

من عيوني ،،

شوفي حبيبتي ،، مدرسه السنابل قصتها قصه

اذا انتي في مدرسه معينه وبتنتقلين لها ما انصح لسبب واحد ،،

الاداره تعبانه ،، وفيها مشاكل كثيره مع التربيه ومالك ترخيصها

واحتمال يتغير مكانها في اي لحظه بسبة المشاكل ،،

بس كطاقم تعليمي ومدرسين ،، ممتااااازه ، فيها اجانب وحتى يابانيين !!

واكيد طبعا سمعتي ان عدد الطلبة قليلين في الصف ،،

بس حطي في بالج ان هالشي ممتاز وجيد كأساس تربوي ،،

ان من يقل عدد الطلاب زاد الفهم والاستيعاب ،،

اي معلومات تبين تسألين عنها قولي لي وانا في الخدمه

ريم الدار - اخصائية في وزارة التربيه :)

[ريم الدار]

واذا تبيني اعطيج اسعارها ،، او معلومات عن مدرسه ثانيه ، ترا ما عندي مانع فديتج :)

[ريم الدار]

دام اني في الدوام ،،

اولا المنهج المتبع في الدراسه منهج امريكي .

ثانيا ،، رسومها : ((سنويه )) :-

من الصف 1-5 / 1500 دينار
من الصف 6-9 / 1350 دينار
من الصف 10 -13/ 1400 دينار

بس انا عن نفسي اشوف المدرسه مقبوله،،بغض النظر عن مشاكلها الاداريه!
بس ترا طلبتها شياطين شوي :)

[معين العقبي]

أتمن أن رد أختنا /ريم الدار

كــــــــــافي وزياده

وهي مستعده تساعدج بكل شي

الشكر مقدم لها على الرد الطيب وأتمنى أستفدتي منه

تحياتي


ينقل للقسم المناسب