هندسة الصوت .. ماهي ؟؟

[عبدالله جمال]

بسم الله الرحمن الرحيم ..

كلنا نسمع القرآن الكريم في الاذاعة أو الأشرطة أو السيديات .. :big73:

وكلنا نسمع الراديو في السيارة .. ونطالع تلفزيون في رمضان :big49:

أو نسمع أغاني في التلفون وغيره .. :big71:
وساعات نلاحظ أن بعض الأغاني (الصوت) فيها (حلو) وبعضها (مب شي) ..مو قصدي صوت المغني ..
يعني وضوح الاغنية .. او شي من هذا القبيل .. بس المهم ان (الصوت حلو) !!

مثلا .. كلنا نلاحظ ان الصوت في اغاني عبدالله رويشد اليديدة (احلى ) من القديمة .. يمكن الاغاني القديمة احلى بس انا اتكلم عن نقاوة وجمال التسجيل ..
هذي الاشرطة اليديدة (هندسة الصوت) فيها أضبط ..
يعني شنو ؟؟ ~52~

هندسة الصوت : هي عملية ضبط التسجيل (اقرب وصف يه على بالي) وتتكون من مرحلتين ..

1- التسجيل :
أول شي .. ايي المحلن ويحط لحن على الكلمات .. وايي الموزع ويحط ألحان زيادة على اللحن .. وتالي ايون العازفين ويسجلون الآلات في الاستوديو ..
مثل الكبيورد والكمنجات والايقاعات الخ .. :big72:

وبعدين ايي المغني ويغني الاغنية على السريع ..علشان ايون الكورال ويغنون .. ويعرفون اهمه في اي مقطع من الاغنية .. لأن اذا المغني ما غنى قبلهم ماراح يعرفون اهمه وين وشسالفه !!
وبعدين ايي المغني ويغني مرة ثانية .. عاد هالمرة يغني عدل مو على السريع .. ~22~

2- المكساج :
الآلات الموسيقية والغناء تتسجل كل وحدة بروحها .. يعني في الاستوديو نقدر نسمع الاغنية ونضيف عليها ونشيل منها اللي نبي ..
شلون ؟ ~52~

في الاستوديو يسجلون على جهاز يسمونه (ملتي تراك ريكوردر) Multi Track Recorder
بشكل مبسط .. الجهاز كأنما عندنا مسجلات وايد .. كل مسجله نسجل فيها آله بروحها .. ويشتغلون المسجلات مع بعض .. ونسمع الآلات كلها مع بعض .. ونقدر نصك مسجل (تراك) معين اذا مانبي الآلة المسجله فيه ..

المسجلات موصلة في جهاز يسمونه (مكسر) Mixing Console ومنه نقدر نعدل الصوت اللي سجلناه من قبل ..

نقدر مثلا نطول على صوت المغني بروحه ونخلي الموسيقى قاصرة .. أو نخف صوت الجيتار ونطول على الكمنجات .. الخ .. ونقدر بعد نزيد البيز في أي آله أو صوت .. أو نحط (ايكو - ريفيرب الخ) ومؤثرات صوتية نحلي فيها العمل الموسيقي ..
*********



طيب من يسوي الأمور ذي كلها ؟؟

يسويها مهندس الصوت ..

شلون ؟؟ ~52~

سالفة طويلة عريضة وعوار راس ماله آخر !!! :big38:

*********

في ناس تعتبر هندسة الصوت علم ... وناس تعتبرها فن .. بس أنا اعتبرها مزيج بين الاثنين ..


يعني المهندس اذا واجه مشكله في التسجيل لازم يكون عنده علم شلون يواجه المشكلة .. ولازم بعد يكون عنده ذوق موسيقي.

العلم في هندسة الصوت يتكون من : معرفة في فيزياء الصوت والترددات .. معرفة في ميكانيكية عمل الاذن البشرية .. ودراية في كيفية ترجمة المخ للأصوات المختلفة
(PsychoAcoustics)..

والذوق الموسيقي : معرفة بالسلالم والمقامات الموسيقية .. التمييز بين الصحيح والنشاز .. وكثرة الاستماع الى الاعمال الموسيقية المختلفة لكسب الخبرة.

هذي بشكل مبسط ومختصر ..

واللي عنده أي سؤال عن هندسة الصوت والتسجيل لا يستحي .. :big24:

وسامحوني على الاطالة ..

[صلوووح]

ثنكس يبه على المعلوومات

وربي يعطيك العااافية

[مـحـمـد عــباس]

موضوع رائع عن هندسة الصوت

استفدت من قراءته وعرفت اشياء يديدة عن هندسة الصوت

يثبت الموضوع (f)

لا هنت اخوي على مواضيعك القيمة

ومنكم نستفيد ;)

اسمح لي على التأخير يالغالي

[SARA]

حياالله بو جمال :D

ماعندي اسأله
وضحت الصورة وكفيت و وفيت اخوي

تشكر على الموضوع
ويعطيك ربي العافيه
(f)

[حمووود الرفاعي]

.
تسلم يا الغالي على هذي النظره الحلوه عن هندسة الصوت

وانا احب هذي السوالف عن تعديل الصوات والاغاني والتغيير<<خبركم فضولي في كل شئ

ويعطيك العافية يا الغالي على هذى الشرح




:)

[عاشقه ومحرومه]

مشكووووووووووور على هاي المعلومات الحلووه ..
ويسلمووووووووو..

[coffinsday]

الف شكر اخي العزيز على المعلومات الرائعه
تحياتي

[أمولة]

تشكر على الموضوع ******

[عبدالله جمال]

وهاذي لقطات من داخل الاستوديو ..

المكسر

http://www.smr-home-theatre.org/aes109/images/aes_12.jpg

الميكروفون

http://www.gha.com.au/images/Violet-Microphone-Studio-Te.jpg

جهاز التسجيل

http://img.2dehands.nl/f/normal/13832620.jpg

منظر عام

http://www.ranchstudio.com/images/aaron%20recording%202.jpg

[مصرقعه بالجلكسي]

تسلم وما قصرت ع هاي المعلومات



مشكور................................................................................................................

[الانجلينزي]

تسلن اخوي علا معلومات المكسر

[الفلاحي]

تسلم اخوي عبدالله جمال على هالشرح الحلو.....



بس بغيت اعرف شالفرق بين شغل الموزع و مهندس الصوت... ومن يبتدي شغله قبل؟؟؟.



والسؤال الثاني: احنا نسمع ان اغلب الفنانين الخليجين مثل نوال و عبد الله رويشد و أحلام و الجسمي وغيرهم يروحون مصر يسجلون اغانيهم... اللي اعرفه انه في استديوهات في الكويت تصلح وفي دول خليجية ثانية... بس السؤال شمعنى استديوهات مصر بالذات وشتفرق عن استديوهات الخليج ؟؟؟؟



مشكور

[عبدالله جمال]

تسلم اخوي عبدالله جمال على هالشرح الحلو.....



بس بغيت اعرف شالفرق بين شغل الموزع و مهندس الصوت... ومن يبتدي شغله قبل؟؟؟.



والسؤال الثاني: احنا نسمع ان اغلب الفنانين الخليجين مثل نوال و عبد الله رويشد و أحلام و الجسمي وغيرهم يروحون مصر يسجلون اغانيهم... اللي اعرفه انه في استديوهات في الكويت تصلح وفي دول خليجية ثانية... بس السؤال شمعنى استديوهات مصر بالذات وشتفرق عن استديوهات الخليج ؟؟؟؟



مشكور
اخوي الفلاحي .. آسف على التأخر في الرد ..

الموزع هو من يضع التركيبات اللحنية الاضافية على اللحن (يضع الحان اضافية مثل: اللحن اللي تعزفه الآلات الموسيقية - بينما الملحن يضع اللحن اللي يقوله المطرب)
اما المهندس : فهو مسؤول عن التسجيل والمكساج وماله علاقة باللحن كمهندس.

اما بالنسبة للتسجيل بالخارج .. في السابق كانت الاستودوهات في الخليج ضعيفة من ناحية التجهيزات والهمندسة .اما الحين فالتجهيزات الحمد لله موجودة والعازفين موجودين وقليل اللي يروحون للخارج ..

[ولد الذوادي 17]

تسلم اخوي عبدالله جمال على هل الموضوع

[بومرتضى]

شكرا على هذا الموضوع الشيق والجميل

ممكن أعرف كيف أعمل لي إستوديو بأقل الأسعار ؟

[ShâLâwLâ5]

تسلـــم اخـــوي عـ المــوضــوع ،،



(f)