لطلاب الثانوية العامة ضروري الدخول

[توتي بنت البحرين]

~13~ سلام : اصير ناخد مواد ترفع المعدل ؟
بس شنو اخده اخد مواد جديدة ولا اخد مواد ما اخدتنه من قبل .

[نسايم ليل]

انا صديقتي اخذت مواد عشان ترفع المعدل يعني تحسين مستوى

بس الصراحه ماعرف الموااد اللي تاخذينها

وان شاء الله البنات اللي عندهم فكره عن المواد يفيدونج

بالتوفيق لج خيتو

[محرقية كشخة]

هلا أختي
ايصير تاخذين مواد ترفع المعدل بس لازم تكون مواد ماخذتها من قبل
الأفضل انج تاخذين المادة اللي درجتج فيها نازلة
وبعد يعتمد على المواد اللي منزلتها الوزارة حق التحسين

[معين العقبي]

أهـــــو يصير

تــــاخذين مـــواد

والأفضــــل كمــــا ذكرت الأخــــوات

تاخذين المواد الي أنتي نازلة فيــــها

ومتــــأكدة أنهـــا مــــاراح تأثر على مستـــواكِ أو تسبب لك ضيق فـــي وقت المــــراجعـــة

وهــــذا مـــاحدث معــــي .... بدل أن تكون فائدتها أيجابية ......... كانت النتــــائج سلبيــــة في المعدل

وطبعـــاً المسمــــوح على ما أعتقــــد هـــو مادة 4 ســــــــــاعات ومادة ساعتين

أي مامجموعة6ساعات......

وأي أستفسار حاضرين.....

(f)

[أمــونــة]

انا مادري اي مسار انتي

بس اذا تبين ترفعين المعدل اخذي مادة 4 ساعات لانه مادة الساعتين ما بتأثر في معدلج

اخذي مادة ال 4 ساعات وتكون درجتج فيها نازلة وتكونين انتي قادره تدرسينها من يديد عشان تيبين فيها درجة اعلى



والله يوفقج :)

[Amal 3omry]

هلا اختي....

تره صح كلام اخوتي محرقيه كشخه و امونه...

تاخذين مادة تكون درجته نازلة علشان ترفعين المعدل...ومايصير تاخذين مادة ما خذتيه....لازم مادة ما خذته من قبل.....يعني احسن لج تاخذين مادة ام 4 ساعات وايد احسن لج...

مشكوره اختي على طلب واحنا ساعدنج على قد ما نقدر.....واذا في اي طلب تره احنا حاضرين....~36~

[توتي بنت البحرين]

شكرا ماتقصورون

[فاطمة البناء]

بصراحه... انا ما اشجع انج تاخذين ماده ذاتي
مو قصدي اني اخوفج... بالعكس
لانج لازم تدرسين المقرر بروحج (واذا كانت ماده صعبه مثل الفيزيا راح تكون صج صعبه في انج تدرسينها بروحج)
والامتحان النهائي راح يصادف امتحان من المواد الاساسيه الي تدرسينها ...يعني امتحانين في نفس اليوم (في الامتحانات النهائية)
والله يوفقج ان شاء الله

[معين العقبي]

معلــــومــــه أخيـــــرة

يمــــكن تفيـــدج

بخـــصوص تقسيم الدرجات

........ طبعــــاً مافيـــة أعمـــــال سنـــة للمــــادة الي راح تاخذينــــها نسحين معدل .

........ أمتحان المنتصـــــف مــــن 30 %

........ الأمتحـــــان النهــــائي 70%.

........ لازم تحصلين على 50% درجـــة في المادة أي درجة النجــــاح أذا لم تستطيعي تحقق معــــدل أكبر من الســـابق.

........ أذا حصلتي أقــــل من 50% في المــــادة تحتسب رســـوب.

وأي أستفســــار حــــاضر......بالتوفيـــق(f)

[عفيف الروح]

لحظة عندي سؤال في هالخصوص
انزين اذا انا اخذت مثلا انج 101 وبل ماارتفع نزلت شيصير ينقصوني ولا لا ؟؟؟؟؟؟؟؟؟
لاني انا ابغي اخذ مواد تحسين :

[معين العقبي]

أذا نزلتي بدرجة الرســــوب يحتسبونها رسوب .... ولازم تاخذين فيها أعادة

بس أذا اقل من الدرجة بس ناجحة ........... يحطون لج الدرجة الأفضل ...... بينهم....!!

[عاشقه وطن]

اليوم انه رحت التسجيل وسألت

قالولي لي الافضل بدال ماتضيعين وكتج ودراستج في الذاتي حطيهم في المواد اللي انتي تاخذينهم

لان في توجيهي راح يجمعون هذي الماده مع باقي المواد اللي خذيتيهم من قبل وراح يقسمونهم على مجموع الساعات اللي اجتزتيهم تقريبا اظن130 ساعه

فيعني اذا ماده ماخذه فيها 80 يبتي فيها 90 مابتزيدين الا بوينت او اقل من بوينت

فالاحسن انج تحطين مجهودج في المواد اللي انتي عندج الحين

ماانصحج

الا اذا كنتي محتاجه حق بوينت مثلا وتدشين الممتاز في ماده كنتي مثلا يايبه فيها 70 ومتاكده انج بتيبين في 90

وفي النهايه اذا بعد تبين اتأكدين روحي قسم التسجيل في مدرستكم واستفسري وااايد بيفيدونج

[عاشقه وطن]

لحظة عندي سؤال في هالخصوص
انزين اذا انا اخذت مثلا انج 101 وبل ماارتفع نزلت شيصير ينقصوني ولا لا ؟؟؟؟؟؟؟؟؟
لاني انا ابغي اخذ مواد تحسين :

اذا ارتفعت بزيدونك طبعا

ولحد اليوم القرار من الوزاره ان اذا نزلت يحطون الدرجه الاحسن

[Mistress of moon]

هلا اختي اني ما انصحج تاخذين تحسين اني كنت باخذ في مقرر ريض ولما
قلت للمعلمه تسجل اسمي عشان اني بدرسه
قالت لي لا اخذ لان ما برتفع وحتى لو بيرتفع ما بيفيدني بشي
بيرتفع بوينت او بوينتين وما بيأثر على المعدل التراكمي
وانتي اسألي بعد
تحياتي لج اختي
ريد روز