مو مهم العنى ...... المهم اوصل اليك

[سوالف ليل]

ماسألتك تريد القلب أو ماتريده
..............................الغلا يامعنى خافقي فيك,, فيك
ما عطيتك خفوقي لجل باكر تعيده
..............................وما بديتك بداية جد لجل أنتهيك
ذا,, أنا لي عشقت أعشق ونفسي عنيده
..............................أعشق الصعب وأنت الصعب منَّك وفيك
مشترط بالمحبة سوّبي ما تجيده
..............................دام مالك بروحي ياحبيبي شريك
أنت سيد الخفوق وقبل من كان سيده
..............................منتهيت إبمحبه قبل ما أبتديك
والوعد بالليالي المقبلات السعيده
..............................جيت وإلا نسيت أنا (فكل مكان) أحتريك
هاك كلي قصايد حب حلوة فريده
..............................إقرها تدري إني ميتِ بك وأبيك
راس مال السهر فنجال بن وقصيده
..............................وأنت تستاهل اللي من عيوني يجيك
أنت,, يازين واحد والقصايد عديده
..............................ويا لعنبوها لو ما ساعدتني,, عليك
مو مهم العنى،،, والليل ذاك ووعيده
..............................المهم ياحياتي إني أوصل إليك

وسلامتكم ........ (وبس;) )

[القمره]

سوالف ليل ,,,


صح لسااااانك اخوي ,,,


قصيده رائعه تشكر عليها ,,, وانشاءالله توصل للشخص الي تبيه ,,,

يعطيك العافيه ,,

تقبل تحياتي ,,,

اختك / القمره

[حنه]

فن الشعريا سوالف ليل والله تجيده
.................................مثلك ترا بين البشر محد ٍ يضاهيك ْ
أنا بالحيل أعشق كل حروفك في القصيدة
.................................يفز قلبي من مكانه لو سمع طاريك ْ
أنا مثلك ترا في العشق دايما ً عنيده
................................. من عرفتك صار قلبي يتبع خطاويك ْ
أسهر الليل أمشي في القصيدة وحيده
.................................يموت خوفي كلما في الخافق أناديك ْ
كلما قريت بيت أو حرف أرجع أعيده
.................................ياللي مثلك بالمشاعر مافي أحييك ْ
يازين جدد خاطري والروح خلها جديده
.................................لاتعجب إن قلت.. الكرم مزروع فيك ْ
أبيك تسقي واحتي بالنبض ونبضي تزيده
.................................المهم أبلل مهجتي وأشرب من أياديك ْ

أخي سوالف ليل

أحيييك
وأحيييك
ثم أحييك
على هذه القصيدة الجميلة
ومااقول غير إن هذي القصيدة روووووووووعة وبس

تحياتي


إختك ......حنه

[سوالف ليل]

بجد ما اعرف وش اقول كل ما رجعت لاي مشاركه و لققيت منكم التشجيع هذا لدرجه اخجل و تضيع مني كل كلماتي

اختي القمره مشكور على قرائتك للمشاركه و ردك عليها و الله لا يحرمنا من ردودك و تشجيعك هذا

حنه,,,,انتي دوم كذا تخجلينا بردودك و تخلين الواحد يحتاااااااااار ولا يقدر يرد عليك هذا انتي يا حنه دااايم و بكل شي و حتى ردودك دايم( السهل الممتنع)
ما شاء الله عليك
لكن لو عندي رد ما راح يكون شي جديد:

ذا,, أنا لي عشقت أعشق ونفسي عنيده
..............................أعشق الصعب وأنت الصعب منَّك وفيك
هاك كلي قصايد حب حلوة فريده
..............................إقرها تدري إني ميتِ بك وأبيك
أنت,, يازين واحد والقصايد عديده
..............................ويا لعنبوها لو ما ساعدتني,, عليك


و سلامتكم