حبيتك أكثر

[ماردونا]

.ليه اذا حبيتك أكثر زدت قسوه
وان دريت بحاجتي لك .. زدت جفوه


وان عطيتك من حياتي ماتريده
ماكفاك وتحسب ان الحب نزوه

والله اني يا أحب الناس.. أحبك والله ان الروح لو ترضيك.. فدوة

واللي اني تارك غيرك .. وجيتك
مزعل الزعلان والعذال عنوة

كل دقه قلب فيني لك قصيده
تكفى الدنيا مع الاحباب غنوة

وكل هاجس مايجيب الا خيالك
سلوتي بالعمر .. في صحوة وغفوه

اجمع احساس واشواقي واجيلك
والبس ثياب الهوى والعشق كسوه

وانتقي من سواليفي حسنها
والقصايد من غزلها كل حروة

وأنثر العبرات والضحكات عندك
واقول اني احق الناس فضوة

ادري اني عادي مافيه ميزه
وادري اني كادح ماحاش كروة

وادري اني في خريف العمر ماضي
مابقي بيني وبين القبر خطوه

لكن اني صادق في ما اقوله
واطلب من الله عن الزلات عفوه

[إبتسامة جرح]

شكراً أخ ماردونا على هذه المشاركة وهي قصيدة للشاعر خالد الفيصل بعنوان (قسوة)

يعطيك العافية وتشكر على الاختيار


تحياتي

إبتسامة جرح

[حنه]

دائما تتحفنا أخي مارادونا بإختياراتك الراائعة
فشكرا لإختيارك المتألق
وياريت في المرة القادمة تقوم بتذييل القصيدة بإسم الشاعر
وشكرا للغالية إبتسامة جرح على ذكرها إسم المبدع صاحب هذه القصيدة الأكثر من رائعة وهو صاحب الكلمات الرقيقة االأمير والشاعر دايم السيف خالد الفيصل

تحياتي

حنه

[mohajer]

والله انك ضربت على الوتر الحساس
انا من الناس اللي يموتوا في قصايد دايم السيف
مشكووووور اخوي على المشاركة الرائعة جدا جدا
واتمنى لك مزيد من التوفيق

[الرشيق]

شكراً أخ ماردونا على هذه المشاركة


الرشيق